ପ୍ରେମୀକା

ସବୁ ଆକଟ,ସବୁତକ ନିନ୍ଦା,ଅପଯଶର
କଳଙ୍କ କୁ କୁଙ୍କୁମରେ ଗୋଳି
ନାଇପାରେ ଦାଉଦାଉ
ଝଟକୁଥିବା କପାଳରେ ମୋର ।

ଧୂ ଧୂ ଖରାରେ ଫାଟି
ଆଁ କରିଥିବା ଉଜୁଡାକ୍ଷେତ
ଅମେଇସାର ଗାଢ୍ ଅନ୍ଧାର ରାତି
ଗୁମ୍ ସୁମ୍ ପବନକୁ ସାମ୍ନାକରିପାରେ
ଦିନ ପରେ ଦିନ,
ସୋରିଷକ୍ଷେତ ଭର୍ତ୍ତି ବାସ୍ନାପବନରେ
ଢେଉ ଭାଙ୍ଗୁଥିବା
ପୂବେଇ ଜହ୍ନ ଆଲୁଅର ସପନରେ ।

ମନକରେ କାନୀଢାଙ୍କି ରଖିବି ତୁମକୁ
ସବୁ ଛଳନା,ପ୍ରତାରଣା,
ମୂଖାପିନ୍ଧା ମୁହଁ,
ମିଛମନ,ହୃଦୟହୀନ
ଦୁନିଆର ଦାଢରୁ
କୁନିପୁଅ ପରି ନିରାପଦରେ
କୋଳରେ ।